السنة الأولى العدد(10) آب 2005 م- جمادى الآخرة 1426ه.

 تعالوا نسافر مع جدّو "أبو أحمد" على بلدات فلسطين

(الصفصاف)

خاص: "قبسات من نور" 

 

اتفرّج يا إبني يا أحمد على هالقرية من قرى فلسطين، هاي هي قرية الصفصاصف، هذا الخَضار اللي شايفه بيرتفع عن سطح البحر 750 م فوق، وبتبـعد 7 كم شمال غرب مديـنة صـفد، وهي قرية من قرى قضاء صفد. وأقرب قرية إلها من ناحية الجنوب الشرقي هي قرية الجِـش. كان عدد سكانها عام 1948حوالي 950 نسمة، وكان فيها أكثر من 215 بيت ، ومدرسة ابتدائية واحدة.


شايف هدول البيوت، هدول بيوت أهالي الصفصاف، آل شريدي وحمد ودغيم ودعيبس وحليحل وكردية وحوراني وفرهود وكتير عائلات صفصافية كمان بعد بيوتها هناك، بس يا أحمد اللي ساكنين فيها مش أهالي الصفصاف، ساكنين فيها مستوطنين يهود متطرفين. واللي بيحرق القلب يا إبني إنهم هالملاعين غيّروا اسمها من صفصاف إلى صفصوفة. الله يحرقهم، يا رب.

سنة 1948 تعرضت قريـة الصفـصاف لمجـزرة رهيـبة، أعـدم الصهاينة فيها 70 شاباً وعيونهـم معصبة، وبعدها اغتصـب هالخنازير كتير من نسـوان القرية، وكان بينهم بنت عمرها 14 سنة

تعال يا أحمد يا إبني نمهر بسماء الصفصاف هالكلمات لتحفظهم وتحفّظم لولاد جيلك وللأجيال القادمة.

سأحملُ حبَّها الدّافي

 

على ظهري وأكتافي

وفي قلبي سأزرعُهُ

 

وأمشي نحوَها حافي

 

 

 

لها الرُّوحُ لها القلبُ

 

لها الأشواقُ والحبُّ

فلن تشقى بنا الدربُ

 

إلى صفدٍ وصفصافِ

 

 

 

ولن يَهْنَا بها الغاصبْ

 

سيحرِقُهم لَظَى الغاضبْ

ويرجعُ للحِمى الغائبْ

 

ليُطفئَ نَارَ أسلافِ

                                                      http://www.pcc-noor.com/archive/Nour10/indexm/taalo.htm

 

عودة